хавтгай дэлхий

Хэлэх үгтэй ангалзах ам

Харах зүйлстэй сохорчихсон нүд

Тэмтрэх тэмүүлэлтэй тайрагдсан гар

Тэртээг зорих өрөөсөн хөл

Хайрлах хүсэлтэй зүрхгүй цээж

Сорох тамхитай уушиггүй хэнхдэг

Сүүмийн тальмаарах болоргүй нүд

Юм бүхэн үнэртдэг авиаг сонсох хэнгэрэггүй чих

Үнсэлт хүлээх уруулгүй нүүр

Цурхиртлаа уйлах нулимсгүй нүд

Цус гүйх судасгүй бие

Дэлбээлж ядах хагдарсан цэцэг….

Ядам хуруундаа бэлзэгтэй ганц бие хүмүүс….

Дүв дүүрэн санагдах хоосон бүхэн…

Хэн юм бээ…